महिला आघाडी घराघरात पोहोचवा : सुषमाताई साबळे

 चंद्रपूर येथे शिवसेना महिला आघाडीची आढावा बैठक

महा घडामोडी न्यूज नेटवर्क,चंद्रपूर :  पक्षप्रमुख उद्धव बाळासाहेब ठाकरे यांचे कार्य व शिवसेना महिला आघाडी जिल्ह्यातील प्रत्येक घरात पोहोचवा, असे आवाहन जिल्हा संपर्क प्रमुख सुषमाताई साबळे यांनी केले.चंद्रपूर, बल्लारपूर, राजुरा विधानसभा क्षेत्रातील शिवसेना (उद्धव बाळासाहेब ठाकरे) महिला आघाडीची आढावा बैठक जिल्‍हा प्रमुख संदीपभाऊ गिर्हे यांच्या मार्गदर्शनात ७ फेब्रुवारी रोजी विश्रामगृह, चंद्रपूर येथे पार पडली. यावेळी त्या बोलत होत्या.

यावेळी शिवसेना महिला आघाडीच्या वतीने जिल्हा संघटीका उज्वला प्रमोद नलगे यांनी सुषमा साबळे यांचा शाल, पुष्पगुच्छ देऊन सत्कार केला. सुषमा साबळे यांनी तीनही विधानसभेचा आढावा घेतला. चंद्रपूर तालुका प्रमुखपदी प्रतिभाताई तेलतुंबडे, शहर समन्‍वयक रोहिणीताई चौबे, बल्‍लारपूर उपशहर प्रमुख करुनाताई सेगोकर, चंद्रपूर विभाग प्रमुख संध्याताई जाधव तर शाखा प्रमुखपदी कविता कोमलवार यांची प्रभारी नियुक्‍ती करून त्‍यांना सुषमाताई साबळे यांच्या हस्‍ते नियुक्‍तीपत्र देण्यात अाले.साबळे पुढे म्हणाल्या, जिल्ह्यात बऱ्याच ठिकाणी महिला आघाडीच्या शाखा सुरू करण्यात आल्या आहे. यामाध्यमातून पक्षाचे कार्य जनसामान्यांपर्यंत पोहोचवून पक्ष संघटन आणखी कसे मजबूत करता येईल, यावर येत्या काळात महिला आघाडीने काम करावे.

यावेळी जिल्हा संघटीका उज्वला प्रमोद नलगे, माजी जिल्‍हा प्रमुख निलीमाताई शिरे, उपजिल्हा संघटीका विद्या ठाकरे, शहर संघटीका वर्षा कोठेकर, उपशहर संघटीका किरण जुनघरे, माजी शहर प्रमुख मंगलाताई पाल, युवतीसेनेच्या उपजिल्हा अधिकारी रोहिणीताई पाटील, धनक्षी हेडावू, जिल्हा समन्‍वयक कल्पनाताई गोरघाटे, शहरप्रमुख ज्योतीताई गहलोत, तालुका प्रमुख मिनाक्षीताई गलगट, नगरसेविका रंजिताताई बिरेे व चंद्रपूर, बल्लारपूर व राजुरा विधानसभा क्षेत्रातील महिला आघाडीच्या पदाधिकारी, सदस्यांची उपस्थिती होती.