चामोर्शी येथे मुख्य मार्गावर मोकाट जनावरांमुळे वाहतूकीची होतेयं कोंडी

स्थानिक प्रशासनाच्या दुर्लक्षपणामुळे नागरीकांचे जनजीवन विस्कळीत. 

महा घडामोडी न्युज तालुका प्रतिनिधी, सुखसागर झाडे, चामोर्शी : चामोर्शी येथील स्थानिक मोकाट जनावरे (गाय, बैल, कुत्रे) यांच्या हौदोसामुळे सामान्य जनतेला नाहक त्रास सहन करावा लागतो आहे.मोकाट जनावरे रस्त्यावर बसल्यामुळे आणि फिरल्यामुळे वाहतूककोंडी व वाहतूक अपघातांची समस्या दिवसेंदिवस वाढत आहे।

• चामोर्शी येथील मुख्य मार्गावर मोकाट जनावरांचा त्रास तीव्रपणे जाणवतो।
• सकाळी व संध्याकाळी वाहनांची गर्दी असताना गायी, बैल रस्त्यावर थांबतात, ज्यामुळे वाहनचालकांना अचानक ब्रेक लावावे लागतात; यामुळे अपघात व वाहतूक अडथळा निर्माण होतो।
• पादचारी, विद्यार्थी, महिला वर्ग या जनावरांमुळे घाबरतात आणि सुरक्षित वाटत नाही।
• नागरीक, व्यापारी, वाहनचालक, पादचारी यांना रोजच्या प्रवासात त्रास सहन करावा लागतो; काहीवेळा जनावरांचेही जीव धोक्यात येतात।
• नगरपंचायत किंवा स्थानिक प्रशासनाकडून मोकाट जनावरे पकडण्याच्या मोहिमा अपुऱ्या असल्याची आणि कारवाईमध्ये उदासीनता असल्याची दिसून येते.
• काही भागात दंडात्मक कार्रवाई आणि जनजागृतीची मागणी होत आहे, तसंच शेतकरी किंवा जनावरांचे मालक जबाबदार धरून कारवाई करावी, असाही सूर उमटताना दिसून येतो. 
• बाजार चौक,मार्कंडमोहल्ला रोड, आष्टी रोड, केंद्र शाळा,मेन रोड अशा विविध भागात या समस्येमुळे अपघातांची आणि वाहतूककोंडीची अनेक उदाहरणे समोर आली आहेत; रस्त्यांवर जनावरे मधोमध बसल्याने वाहनचालक विवंचनेत आहेत।
• रस्त्यावर बसलेली जनावरे रात्रीच्या वेळी दिसत नाहीत, यामुळे गंभीर अपघात सुद्धा होतात।

मोकाट जनावरांमुळे चामोर्शी येथील मुख्यरस्ता तसेच लगतचे रस्त्यावर वाहने चालवताना वाहक धारकांना तारेवरची कसरत व जिव मुठीत घेऊन प्रवास करावा लागतो. सदर बाबीमुळे वाहतूककोंडी, अपघात, जनसामान्य नागरीकांना शाळकरी विध्यार्थ्यांना नाहकत्रास आणि सार्वजनिक सुरक्षेला धोका निर्माण झाला आहे.

स्थानिक नगरपंचायत प्रशासनाच्या वतीने तातडीची कार्यवाही, दंड आणी जनजागृती मोहीम राबवण्यात यावी अशी कुजबुज स्थानिक नागरिक वारंवार व्यक्त करत आहेत।