विसापूर येथील रेल्वे अंडरपास परिसरातील खराब झालेल्या रस्त्याची तात्काळ दुरुस्ती करून व्यवस्था सुदृढ करण्यात यावी.

विसापूर येथील रेल्वे अंडरपास परिसरातील खराब झालेल्या रस्त्याची तात्काळ दुरुस्ती करून व्यवस्था सुदृढ करण्यात यावी.

लोकप्रिय आमदार श्री.मा.आ. सुधीर भाऊ मुनगंटीवार यांच्याकडे संदीप भाऊ पोडे यांच्या सह विसापूरातील सर्व भाजपा पदाधिकाऱ्यांची मागणी

महा घडामोडी न्यूज नेटवर्क प्रतिनिधी कमलेश खोब्रागडे चंद्रपूर सुधीर मुनगंटीवार यांच्याकडे विसापूर भाजपा पदाधिकाऱ्यांची रस्ते दुरुस्तीची जोरदार मागणी विसापूर (ता. — ) : विसापूर येथील रेल्वे अंडरपास परिसरातील रस्त्याची अत्यंत दयनीय अवस्था झाल्याने नागरिकांना मोठ्या अडचणींचा सामना करावा लागत आहे. या पार्श्वभूमीवर लोकप्रिय आमदार सुधीर भाऊ मुनगंटीवार यांच्याकडे संदीप पोडे भाजपा युवा मोर्चा तालुकाध्यक्ष यांच्या सह विसापूर येथील सर्व भाजपा पदाधिकाऱ्यांनी रस्त्याच्या तात्काळ दुरुस्तीची मागणी केली.

विसापूर रेल्वे अंडरपासमधील रस्ता पावसामुळे ठिकठिकाणी खचला असून मोठमोठे खड्डे पडले आहेत. त्यामुळे वाहनचालकांना अपघाताचा धोका निर्माण झाला आहे. शाळकरी मुले, रुग्णवाहिका तसेच दैनंदिन प्रवास करणाऱ्या नागरिकांना मोठ्या त्रासाला सामोरे जावे लागत आहे. विशेषतः रात्रीच्या वेळी अपुरा प्रकाश आणि खराब रस्ता यामुळे परिस्थिती अधिक गंभीर बनत आहे.

या मागणीवेळी श्री. किशोरजी पंदीलवार (वरिष्ठ नेते, भाजपा), विद्याताई देवाडकर (महाराष्ट्र प्रदेश सरचिटणीस, भाजपा), गणेशजी टोंगे (तालुका महामंत्री, भाजपा), सुरेखाताई इतणकर (महामंत्री, भाजपा), अशोकजी थेरे (अध्यक्ष, धनंजय कुणबी समाज विसापूर), अशोकजी भोयर (भाजपा नेते, विसापूर) आणि संजयजी पंदीलवार (भाजपा नेते, विसापूर) उपस्थित होते. सर्वांनी एकमुखाने रस्त्याच्या तात्काळ दुरुस्तीची मागणी केली.

शिष्टमंडळाने आमदार मुनगंटीवार यांना निवेदन देत अंडरपास परिसरातील रस्त्याचे सिमेंट काँक्रीटीकरण किंवा डांबरीकरण करून कायमस्वरूपी उपाययोजना करण्याची मागणी केली. तसेच पावसाळ्यापूर्वीच काम पूर्ण करण्यात यावे, जेणेकरून भविष्यात नागरिकांना त्रास होणार नाही, अशी अपेक्षा व्यक्त करण्यात आली.

आमदार सुधीर भाऊ मुनगंटीवार यांनी या मागणीची गंभीर दखल घेत संबंधित विभागाशी तात्काळ चर्चा करून आवश्यक ती कारवाई करण्याचे आश्वासन दिले असल्याची माहिती पदाधिकाऱ्यांनी दिली.

विसापूर येथील नागरिकांमध्ये या मागणीमुळे समाधान व्यक्त होत असून लवकरात लवकर रस्त्याचे काम सुरू व्हावे, अशी सर्वसामान्यांची अपेक्षा आहे.