उन्हाळी धान खरेदीचे उदि्दष्ट वाढविण्याचा निर्णय लवकरच घेणार
उन्हाळी धान खरेदीचे उदि्दष्ट वाढविण्याचा निर्णय लवकरच घेणार – ना. छगन भुजबळ यांचे आ. सुधीर मुनगंटीवार यांना आश्वासन.
निर्णय होईपर्यंत धानाची विक्री करू नये – आ. सुधीर मुनगंटीवार यांचे शेतक-यांना आवाहन.
निर्णय घेण्यास सरकारला भाग पाडणार.
त्यामुळे सदर धान उत्पादक शेतकऱ्यांचे हित लक्षात घेता मार्केटिंग फेडरेशन च्या माध्यमातून उन्हाळी हंगामातील धान खरेदीचे उद्दिष्ट वाढवावे, अशी मागणी विधिमंडळ लोकलेखा समिती प्रमुख तथा माजी अर्थमंत्री आ. सुधीर मुनगंटीवार यांनी शासनाकडे केली आहे. या संदर्भात दिनांक ३० मे २०२२ रोजी आ. सुधीर मुनगंटीवार यांनी अन्न व नागरी पुरवठा मंत्री श्री. छगन भुजबळ यांच्याशी दुरध्वनीद्वारे चर्चा केली असता ना. भुजबळ यांनी उन्हाळी हंगामातील धान खरेदीचे उदि्दष्ट वाढविण्यात येत असून लवकरच याबाबतचा निर्णय जाहीर करण्यात येईल, असे आश्वासन आ. सुधीर मुनगंटीवार यांना दिले.
अन्न व नागरी पुरवठा मंत्री श्री. छगन भुजबळ यांनी दिलेल्या आश्वासनानुसार आ. सुधीर मुनगंटीवार यांनी धान उत्पादक शेतक-यांना आवाहन केले आहे की, उदि्दष्ट वाढविण्यासंदर्भात शासनाचा निर्णय होईपर्यंत कोणीही धान विक्रीस नेऊ नये. हा निर्णय घेण्यास आपण शासनाला भाग पाडू असेही आ. सुधीर मुनगंटीवार यांनी म्हटले आहे.
पोस्ट्स
कोणत्याही टिप्पण्या नाहीत