सतीश हानेगावे यांना राष्ट्रीय समाजभूषण पुरस्कार

 सतीश हानेगावे यांना राष्ट्रीय समाजभूषण पुरस्कार

महा घडामोडी न्युज प्रतिनिधी शिवाजी निरमनाळे,लातूर : काव्य मित्र संस्था पुण्याच्या वतीने दरवर्षी दिला जाणारा राष्ट्रीय रुग्णसेवा पुरस्कार, राष्ट्रीय युवा चेतना पुरस्कार, राष्ट्रीय समाज भूषण पुरस्कार असे पुरस्कार विविध क्षेत्रातील प्रतिष्ठित व नामांकित कार्यकर्तृत्व असलेल्या व्यक्तींना देऊन त्यांचा गौरव केला जातो. डॉक्टर्स डे, स्वामी विवेकानंद व महामहीम राष्ट्रपती डॉ. ए.पी.जे. अब्दुल कलाम यांच्या स्मृती दिनाचे औचित्य साधून दि. १० जुलै रोजी पत्रकार भवन, गांजवे चौक, नवी पेठ पुणे येथे हा पुरस्कार प्रदान केला जाणार आहे. 

यावर्षीचा मानाचा राष्ट्रीय समाजभूषण पुरस्कार तगरखेड्याचे सुपूत्र, सामाजिक कार्यकर्ते, कवी, लेखक, निवेदक, वक्ता व प्रवचनकार- जगद्गुरु तुकोबाराय साहित्य परिषदेचे प्रदेश संघटक सतीश निवृत्ती हानेगावे यांना राष्ट्रीय समाजभूषण पुरस्कार घोषित झाला आहे. याबद्दल त्यांचे आम्ही तगरखेडकर, शिवजन्मोत्सव समितीतर्फे, गावकऱ्यांतर्फे, विविध स्तरातून त्यांचे अभिनंदन करण्यात येत आहे.