आमदगाव धरणाच्या निकृष्ट कामाच्या निषेधार्थ स्वाभिमानीचे धरणे आंदोलन

आमदगाव धरणाच्या निकृष्ट कामाच्या निषेधार्थ स्वाभिमानीचे धरणे आंदोलन

महा घडामोडी न्युज प्रतिनिधी, जळगाव : बोदवड परिसर उपसा सिंचन योजनेतील आमदगाव धरणाच्या निकृष्ट कामाच्या निषेधार्थ स्वाभिमानी शेतकरी संघटनेचे जिल्हाध्यक्ष डॉ. विवेक सोनवणे यांच्या नेतृत्वात परिसरातील शेतकऱ्यासह धरणे आंदोलन करण्यात आले.1999 साला पासून मंजूर असलेली बोदवड परिसर उपसा सिंचन योजनेचे उद्घाटन माजी राष्ट्रपती सौ.प्रतिभाताई पाटील यांच्या हस्ते 2010 मध्ये करण्यात आले पाच तालुक्यातील 42 हजार हेक्टर जमीन या प्रकल्पामुळे सिंचनाखाली येणार असून 23 वर्षांपासून मंजूर असलेला हा प्रकल्प अद्यापही अपूर्णच आहे.

या योजनेचे काम दोन टप्प्यात विभागले गेलेले आहे या योजनेच्या पहिल्या टप्प्याचे काम अपूर्ण असून दुसऱ्या टप्प्यातील आमदगाव जुनाने धरणाचे काम जवळपास 60% च्या वर पूर्ण झालेले असून सदर धरणाच्या डाऊन स्ट्रीम मध्ये म्हणजे मुरूम व ब्लॅक साॅईल च्या मध्ये ग्राउंड लेव्हल पासून धरणाच्या भिंतीच्या टॉप लेव्हल पर्यंत एक ते दीड मीटर रुंद सॅंड फिल्टर टाकणे धरणाच्या भिंतीची उत्तम दर्जा व गुणवत्ता साठी अंदाज पत्रकानुसार बंधनकारक होते परंतु प्रत्यक्ष धरणाच्या भिंतीवर डाऊन स्ट्रीम बघितली असता ब्लॅक सॉईल व मुरूम मध्ये सॅंड फिल्टर फक्त फोटो सेशनसाठीच नावापुरते टाकण्यात आलेले असून,

 शासनाकडून या सॅंड फिल्टरच्या पोटी कोट्यावधींचे चे देयके वसूल करण्याचा प्रयत्न सदर ठेकेदाराकडून विभागीय अधिकाऱ्यांच्या आर्थिक भागीदारीने करण्यात आलेला असून धरणाच्या भिंतीची गुणवत्ता व दर्जा ढासळवण्याचे काम करण्यात आले असल्याच्या दिसून येत असल्याच्या निषेधार्थ स्वाभिमानी शेतकरी संघटनेच्या वतीने धरणे आंदोलन करण्यात आले यावेळी स्वाभिमानी शेतकरी संघटनेचे जिल्हाध्यक्ष डॉ. विवेक सोनवणे, सचिन पाटील शशिकांत कळसकर , गजानन सोनवणे,बहादूर पाटील ,निलेश पाटील, विकी सोनवणे, नरेंद्र कळसकर ,चेतन पाटील, निखिल पाटील ,योगेश शेळके, विजू चव्हाण, भागवत पाटील व परिसरातील आदी शेतकरी शेकडोच्या संख्येने उपस्थित होते.