महिलांची सामाजीक शैक्षणिक व आर्थिक प्रगती उंचावली :- लायकराम भेंडारकर

 घुसोबाटोला येथे जागतिक महिला दिन साजरा

महा घडामोडी न्युज प्रतिनिधी, अर्जुनी-मोर/गोंदिया : सध्याचे केंद्र व राज्य शासनानी महिलांसाठी आर्थिक प्रगतीचे दार खुले केले आहे. उमेदच्या माध्यामातुन ग्रामसंघ व प्रभाग संघ आणी बचत गटाचे माध्यामातुन महीला उद्योगशील बनल्या आहेत.आपली आर्थिक बाजु कशी मजबुत होईल.व आपला संसार सुखाचा कसा होईल हे तंत्र महिलांना सापडले आहे. गावागावांतील महिलांनी आपल्या कष्ट परिश्रम आणी समर्पणाच्या जोरावर समाजात महत्वपुर्ण स्थान मिळविले आहे. जागतीक महिला दिनानिमित्त आयोजीत कार्यक्रम महिलांच्या सामाजिक शैक्षणिक व आर्थिक प्रगतीला प्रोत्साहन ठरत असल्याचे प्रतिपादन गोंदिया जि.प.चे अध्यक्ष लायकराम भेंडारकर यांनी केले आहे.

हेही वाचा : विमलताई तिडके विद्यालय,बेला येथे महिला दिन उत्साहात साजरा

    अर्जुनी-मोर. तालुक्यातील आपल्या गृहक्षेत्रातील घुसोबाटोला येथे आयोजीत जागतीक महीला दिनाचे कार्यक्रमात विशेष मार्गदर्शक म्हणून ता.8 भेंडारकर बोलत होते. यावेळी पंचायत समिती उपसभापती संदीप कापगते, सरपंच लताबाई भेंडारकर, उपसरपंच सुखदेव मेंढे, पोलीस पाटील शालूताई मेंढे, डोंगरगाव चे पोलीस पाटील उमेश खंडाईत, सेवा सहकारी संस्थेचे अध्यक्ष सुभाष ब्राह्मणकर, ग्राम पंचायत अधिकारी बडोले, भाजीपाले मॅडम, बनसोड मॅडम, जयराम हातझाडे, अंगणवाडी सेविका खंडाईत, पुरुषोत्तम डोये, यशवंत भेंडारकर, संजय भेंडारकर, दर्शना गणवीर, लक्ष्मीताई भेंडारकर, व गावातील सर्व महिला व गावकरी मंडळी प्रामुख्याने उपस्थित होते.

हेही वाचा : जागतिक महिला दिनानिमित्त रायपूर येथे महिला आरोग्य तपासणी शिबिर

    सर्वप्रथम क्रांतीज्योती सावित्रीबाई फुले,माॅ.जिजाऊ,माता रमाई यांचे प्रतिमांना माल्यार्पण व दीप प्रज्वलन करून कार्यक्रमाची सुरवात करण्यात आली.यावेळी अनेक मान्यवर व महिलांनी आपले अनुभव कथन करतांना आज आम्हा महीलांना सावित्रीबाई फुले,डाॅ.बाबासाहेब आंबेडकर यांचे मुळेच शिक्षण,समता न्याय व बंधुत्व यांची शिकवन मिळाल्यानेच आम्ही आत्मनिर्भर झालो असल्याच्या भावना व्यक्त केल्या.कार्यक्रमाचे औचित्य साधून नवनिर्वाचित जि.प.अध्यक्ष लायकराम भेंडारकर यांचा ग्रामवासियांचे वतीने शाल श्रीफळ देऊन सत्कार करण्यात आला.संचालन उमराव शहारे तर उपस्थितांचे आभार शालुताई मेंढे यांनी मानले.कार्यक्रमास सिलेझरी,डोंगरगाव,व घुसोबाटोला येथील महिला व पुरुष मोठ्या संख्येनी उपस्थीत होते.

______________________________________________

महिलांचा सन्मान, हाच राष्ट्राचा सन्मान - दिवाणी न्यायाधीश एन.वि.साहु

अर्जुनी/मोर : स्थानिक सरस्वती ज्ञानदीप कॉन्व्हेंट व जी.एम.बी. हायस्कूल अर्जुनी मोर. येथे ८ मार्च जागतिक महिला दिन उत्साहात साजरा करण्यात आला.या दिनाचे औचित्य साधून समाजातील व प्रशासकीय सेवा बजावत असलेल्या कर्तृत्ववान महिलांचा मार्गदर्शन व सन्मान सोहळा आयोजित करण्यात आला होता.

हेही वाचा : चंद्रपूर शहरात एका पोलीस कर्मचाऱ्याची हत्या

या कार्यक्रमाच्या अध्यक्षस्थानी श्रीमती केशरबाई शिक्षण संस्थेच्या सदस्या नेहा भुतडा, तर प्रमुख मार्गदर्शक म्हणून, एन. वी. साहू दिवाणी न्यायाधीश अर्जुनी मोर. प्रमुख अतिथी डॉ. नंदा गेडाम अधीक्षक ग्रामीण रुग्णालय अर्जुनी मोर. सारिका काटेखाये सरकारी वकील, सारिका बेलेकर, पल्लवी वाडेकर खांडविकास अधिकारी अर्जुनी मोर . छाया घाटे, प्राचार्या शैव्या जैन, मुख्याध्यापिका कल्पना भुते, प्रा. नंदा लाडसे, प्रामुख्याने उपस्थित होते.

हेही वाचा : इलेक्ट्रिक शार्टसर्किटमुळे जनावराच्या गोट्याला आग सात जनावरे आगीमुळे होरपडून जागीच ठार

कार्यक्रमाच्या प्रारंभी विद्येची आराध्य दैवत माता सरस्वती, स्त्री शिक्षणाच्या प्रणेत्या क्रांतीज्योती सावित्रीबाई फुले यांच्या छायाचित्रांचे पूजन व दिप प्रज्वलन करून पुष्पहार अर्पण करण्यात आले.

"आदिशक्ती तू, प्रभूची भक्ती तू,

झाशीची राणी तू, मावळ्यांची भवानी तू, 

प्रयत्नांना लाभलेली उन्नती तू, 

आजच्या युगाची प्रगती तू....!"

प्राचीन काळापासून महिला ही उपेक्षित जीवन जगत होती ती आज पुरुषांच्या खांद्याला खांदा लावून काम करीत आहे.आज स्त्री पुरुष समानता अस्तित्वात असतानाही महिलांना समजात सन्मानाने वावरता येत नाही त्यांना समाजात सन्मानाने वावरता यावे यासाठी सरकारद्वारे सुरू केलेल्या विविध योजनांची माहिती त्यांच्या सुरक्षेविषयी केलेले विविध कायदे यांची माहिती प्रमुख मार्गदर्शक दिवाणी न्यायाधीश एन. वी. साहू यांनी दिली.

हेही वाचा : कोरपणा बस स्टॉप येथे केजीएन तर्फे पाणपोई सुरू

 आजची स्त्री ही विकासाच्या सर्वोच्च शिखरावर पोहचली आहे. या धावपळीमध्ये तिने आपल्या आरोग्याची काळजी घेणे आवश्यक आहे असे प्रतिपादन डॉ. नंदा गेडाम यांनी केले. स्त्री ही माता आहे, भगिनी आहे, ती कुटुंबाचा आधार आहे. आणि हा आधार सर्वांनी मिळून जपणे गरजेचे आहे. युवतींनी चांगले विचार आचरणात आणले पाहिजेत असे विचार कार्यक्रमाच्या अध्यक्षा नेहा भुतडा यांनी मांडले.

हेही वाचा : पोलिसांच्या आशीर्वादाने रात्री हायवा ट्रकद्वारे सर्रासपणे रेती आणली जात असल्याची तालुक्यात चर्चा

कार्यक्रमाचे सूत्रसंचालन दीपा मेंढे यांनी तर आभार प्रदर्शन माधुरी वणवे यांनी केले.कार्यक्रमाच्या यशवितेसाठी सर्व शिक्षक व शिक्षकेत्तर कर्मचारी यांचे सहकार्य लाभले.

बातमी संकलन : संतोष रोकडे, गोंदिया