नेपाळच्या विमान अपघातात 22 जणांचा मृत्यू महाराष्ट्रातील चौघांचा समावेश

 नेपाळच्या विमान अपघातात 22 जणांचा मृत्यू 

महाराष्ट्रातील चौघांचा समावेश

महा घडामोडी न्यूज नेटवर्क: चार भारतीयांसह बावीस प्रवाशांना घेऊन जाणारे विमान नेपाळमध्ये कोसळल्याची घटना घडली होती. आता या अपघातग्रस्त विमानाचे फोटो समोर आले आहेत, मुस्तांग भागातील कोबानमध्ये या विमानाचे अवशेष सापडले आहे, हा अपघात एवढा भीषण होता की या विमानाचे तुकडे झाले, दरम्यान रेस्क्यू टीम कडून मिळालेल्या माहितीनुसार विमानातील सर्व बावीस जणांचा मृत्यू झाला आहे.

या विमानात चार भारतीय आणि तीन जपानी नागरिकांसह 22 प्रवासी होते भारतीयांमध्ये ठाण्याचा चौघांचा समावेश आहे या विमानाने पोखरा ते जोमसोमसाठी सकाळी 09:55 वाजता उडान घेतले होते, उडान घेतल्याच्या पंधरा मिनिटानंतर विमानाचा संपर्क तुटला त्यानंतर अपघात झाल्याची माहिती समोर आली, स्थानिक लोकांनी नेपाळ लष्कराला दिलेल्या माहितीनुसार विमान मानपती हिमालय भूस्खलनात लामचे नदीच्या मुखाशी कोसळले आहेत.

लष्कराचे प्रवक्ते नारायण सिलवाल यांनी सांगितले की, नेपाळ लष्कर जमीन आणि हवाई मार्गाने घटनास्थळाकडे जात आहे, रेस्क्यू ऑपरेशनमध्ये सैन्य दलासह स्थानिक लोकही मदत करताहेत, अपघात इतका भीषण होता की मृतदेहांची ओळख पटवूनही कठीण झाला आहे.